مجموعه نكت جامده جدا هى على الصعايده ياجماعه ياريت مفيش حد يزعل هما أحسن ناس
والله بس القافيه بتحكم بقى وده للضحك والهزار فقط
يارب تعجبكم 
- واحد صعيدى زكى اوى راح يصطاد نسى ياخد الطعم معاه فقعد يفكر يعمل ايه يعمل ايه ؟ وفى الاخر جاب ورقة وكتب عليها طعم ورماها فى المية تصوروا حصل ايه ؟ بعد ربع ساعة طلعتلوا ورقة مكتوب عليها سمكة .
- بلدياتنا مبيعرفشي يعوم وقع فى البحر مات محروق .
- الابن: بتعمل ايه يابا ؟؟ الاب: بكتب جواب لعمك الابن: هو انت بتعرف تكتب ؟؟الاب: يعني هو عمك اللي بيعرف يقرا يا فالح
- واحد بلدياتنا رجع من امريكا قاعد يقول لأبوه وأمه الحاجات الغريبة اللى شافها: دانا شفت هناك واحد وقع من فوق عمارة طويييلة قعد ثلاث ايام لحد ما وصل الأرض أمه سألته: طيب مات ؟؟ابوه رد عليها: ثلاث أيام لا يأكل ولا يشرب أكيد مات
- صعيدي ماسك ثلجة..وقال :بس أموت واعرف بتنقط منين؟؟
- صعيدي سافر امريكا شرب من حنفية اوتوماتيك معرفش يقفلها قام رجع على اول طيارة لمصر..قام سالوا: ازي امريكا؟ قالهم :اسكتو زمانها غرقت يا بوووي
- بلدياتنا قاعد في حفرة بيفكر.. ليه؟ بيفكر بعمق
- سئلوا صعيدى : ليه قتلت أبوك؟ كانوا عاملين رحلة للأيتام, كنت عايز اروحها, طب ليه قتلت عمك ؟ كنت عايز ابن عمي يسافر معايا طب ليه كنت عايز تنتحر أصلهم لغوا الرحلة
- واحد بلديتنا قاعد في مؤتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل على ان من 5000 سنه كان عندنا المحمول
واحد صعيدي دخل محل أجهزة كهربائية و سأل البياع ? بكام التليفزيون ده رد عليه البياع بقرف – إمشي ياله , ما بنبعش لصعايدة زعل الصعيدي من التفرقة العنصرية و قرر أن يشتري التليفزيون على سبيل العند , فحلق شاربه و ارتدى بدلة فاخرة و عاد للمحل – مساء الخير , بكام التليفزيون ده من فضلك فرد البياع – امش ياله ما بنبعش لصعايدة إتغاظ الصعيدي لأن البياع تعرف عليه , و قفلت معاه يشتري التليفزيون فعاد للمحل مرتديا ملابس إمرأة و غطى وجهه تمامآ و قال للبياع بصوت رفيع السلام عليكم يا أخي, بكم تبيعون هذا التليفزيون إن شاء الله فرد عليه البياع: إمش ياله ما بنبعش لصعايدة الصعيدي انجن فكشف وشه صائحآ أنت بتعرفني كيف كل مرة يا ولد الفرطوس ؟ فرد عليه البياع : علشان ده مش تليفزيون , دي غسالة فول أوتوماتيك .
- واحد صعيدي رجع من السفر لقى البيت مليان صراصير غير كالون البيت
- واحد صعيدي بيدهن الحيطة قالوله حط جرنال تحتيك قالهم لأ أنا كده طايل كويس
- صعيدى حب واحده أتجوز أختها علشان يضمن يشوفها كل يوم .
- صعيدى بيقول لصاحبه .. بالي مشغول من امبارح يا هريدى قاله اكيد حد رافع السماعه
- مره واحد صعيدى كان عايز يسافر فرنساولا يستطيع تحدث اللغه الفرنسيه فذهب لصديقه وقال له انا عايز اسافر فرنسا ولا استطيع تحدث الفرنسيه فقال صديق الصعيدى الفرنسيه سهلة جدًا وقال له كل ما تقول كلمه اضف عليها(و) فذهب الصعيدى فرنسا ودخل مطعم وقال للجرسون اريدو واحدو رزو وواحدو لحمو فقال الجارسون (باردو) فقال له الصعيدى لأ (سخنو) .
- واحد صعيدى عنده عربية كحيانة سابها قدام بيت مهجور….ليه؟؟ ! عاوزها تبقى عربية شبح .
- مره واحد صعيدي سافر امريكا كان معاه 5000 دولار كل ميجي يحجز في فندق يلايه مليان .. نام في جنينه راح جالو واحد سرقه وحلاقله شعره .. صحي لقى الفلوس اتسرقت اعد ياول يلهوي بعدين بيحط ايدو علي راسه ملاقش شعر قال الحمد لله مش انا .
- مرة واحد صعيدى نزل مصر لقى حمولة العربية 7راكب راح يجيب 6من البلد يركبوا معاه .
- واحد صعيدى بنى بيت من ثلاث ادوار عمل العمدان فى الدور الثالث بيسئلوه معملتش العمدان من الارضى ليه قال ارمى فلوسى فى الارض .
- واحد بلدياتنا اشترى كمبيوتر شال الموس وحط جاموسة .
- مرة الجماعة بلدياتناعملوا اجتماع يناقشوا فيه تأخرهم العلمي. فقام واحد بيقول : أمريكا طلعت القمر قبلنا واحنا قاعدين قام رد عليه واحد: خلاص احنا لازم نطلع الشمس. فقالوا: احنا كدة هنسيح رد عليه: يا غبي احنا هانطلعها بالليل.
- بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه
- .صعيدي بالغلط دخل متحف للفن الحديث توقف عند احد اللوحات وسأل أحد المنظمين جنبه ايه الشكل المرعب ده، هو ده الفن اللي بتسموه حديث؟رد المنظم : دى مراية يا أستاذ .
- واحد صعيدي طلع يرمى نفسه من فوق البرج قابله واحد شيخ وقاله ليه هترمي نفسك قال عشان غبى قاله طب اناهسالك سؤالين وهشوفك غبى ولا ايه.حاجة اسمها زى جسمها تبقى ايه قاله معرفش قاله يعنى بيضه يابنى.طب سؤال تاني حاجة ساعات بنسلقها وساعات بنقليها تبقى ايه قاله دى واعرة عليه.قاله يعنى بيضة يابنى . طب بص بقى حاجة ليهااربع رجول وديل وبتنونو تبقى ايه قاله يعنى البيضة قام الشيخ رماه من فوق البرج .
- بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها “مستر هريدى موجود؟” قلتلوا “نجولو مين؟”
- .صعايدة وفلاحين بيحششوا بوكس الامن المركزي كبس عليهم الفلاحين استخبوا في الغيط والصعايده استخبوا في البوكس.
- واحد بلدياتنا عنده ارق ومش عارف ينام قال له صاحبه عندي لك طريقة للنوم مؤكدة عد من واحد الى خمس ميه بلدياتنا مكدبش خبر وأول ما الدنيا ليلت راح للسرير وبدا يعد .. واحد .. اثنين … ولما وصـل الى ميه وتسعة وتسعين … جـاه النوم … قـام غـسـل وشه ورجــع للـسـريـر يـكـمـل الـعـد.
((يارب تكون عجبتكم ))
مع تحياتى : أمـ,ـيرهـ
ليست هناك تعليقات:
إرسال تعليق